Aktual mövzular: Dollar alış-satışı, Neftin qiyməti, COP29, Hava proqnozu

Rusiya Xəzərdə hərbi təlimlərə başladı

Tarix: 16 Oktyabr 2020 14:33

Rusiya Hərbi-Dəniz Qüvvələrinin Xəzər Hərbi Donanmasının gəmiləri Xəzərdə təlimlərə başlayıblar.

Təlimlər Abşeron yarımadasından şimalda, dənizin mərkəzi hissəsində keçirilir.

Manevrlərə 6 gəmi, 7 təyyarə və 420 hərbçi cəlb olunub. Təlimdəki gəmilər arasında "Kalibr" qanadlı raketlərini daşıyan "Dağıstan" və "Tatarıstan" gəmiləri, habelə "Uqliç" və "Velikiy Ustyuq" kiçik raket gəmiləri var.

"Bu gəmilər dənizdə qruplaşmanın tərkibində, Cənub Hərbi Dairəsinin aviasiyası ilə birlikdə hərəkət edərək dəniz və hava hədəflərinə yoxlama artilleriya və raket atışlarını həyata keçirəcəklər", - Rusiya Müdafiə Nazirliyinin açıqlamasında deyilir.

Təlimlər rutindir, planlıdır və 2020-ci il üçün nəzərdə tutulmuş yekun təftiş çərçivəsində aparılır.

Bakının bu təlimlərlə bağlı xeyli əvvəl məlumatı vardı və Xəzərdəki manevrlərə görə hər hansı narahatlığa heç bir əsas yoxdur.

Whatsapp ilə göndər