Aktual mövzular: Dollar alış-satışı, Neftin qiyməti, COP29, Hava proqnozu

Mobil operatorlar 2025-ci ilədək sahənin inkişafına 1,1 trilyon dollar sərmayə yatıracaqlar

Tarix: 3 Dekabr 2020 23:16

2025-ci ilədək dünyada mobil rabitə operatorlarının bu sahənin inkişafına yatırdıqları sərmayənin ümumi həcmi 1,1 trilyon məbləğində olacaq. Bu barədə Çinin Uçjen şəhərində Ümumdünya İnternet İdarəetmə Konfransının açılışında onlayn iştirak etmiş GSMA Assosiasiyasının prezidenti Con Hoffman deyib.

Sonxeber.net ictnews.az-a istinadən bildirir ki, "Mobil rabitə operatorları tərəfindən investisiyalar indiki vaxtdan 2025-ci ilədək 1,1 trilyon dollar təşkil edəcək. Bu məbləğin təxminən 18%-i "5G" şəbəkəsinə sərf ediləcək" - o deyib.

Con Hoffmanın sözlərinə görə, yaxın 5 ildə Çin ABŞ, Cənubi Koreya, Yaponiya və Avropadakı bəzi bazarlar ilə birgə "5G" rabitə sahəsində liderlik edəcək. O deyib ki, artıq dünyanın 47 ölkəsində 106 ədəd "5G" rabitə şəbəkəsi (həm mobil, həm stasionar) istifadəyə verilib. "GSMA" məlumatlarına əsasən, dünyada mobil qoşulmaların təxminən 7%-i "5G" rabitə vasitəsilə həyata keçirilir.

Whatsapp ilə göndər