Aktual mövzular: Dollar alış-satışı, Neftin qiyməti, COP29, Hava proqnozu

Texniki Universitetin kafedra müdiri koronavirusdan vəfat edib

Texniki Universitetin kafedra müdiri koronavirusdan vəfat edib

Tarix: 8 Dekabr 2020 14:10

Bakı. Trend:

Azərbaycan Texniki Universitetinin (AzTU) Elektronika kafedrasının müdiri, professor Hüseyn Orucov koronavirusdan vəfat edib.

Trend-in məlumatına görə, Hüseyn Orucov 1970-ci ildə Azərbaycan Dövlət Universitetinin (indiki Bakı Dövlət Universiteti) Fizika fakültəsini bitirib.

1990-cı ildən AzTU-nun Fizika kafedrasında baş müəllim, 1995-ci ildən dosent, 2009-cu ildən professor kimi elmi-pedaqoji fəaliyyətlə məşğul olub.

2010-cu ildə AzTU-nun Elektronika kafedrasına müdir təyin edilib.

2011-ci ildə yenidən bu vəzifəyə müsabiqə yolu ilə seçilərək ömrünün sonuna kimi işini davam etdirib.

120-dən artıq elmi əsərin, ali məktəb tələbələri üçün 2 dərslik, 4 dərs və metodiki vəsait, abituriyentlər üçün 1 test kitabının müəllifidir.

Azərbaycan təhsilinin inkişafındakı xidmətlərinə görə 2011-ci ildə Azərbaycan Respublikası Prezidentinin Sərəncamı ilə “Əməkdar müəllim” fəxri adına layiq görülüb.

Hüseyn Orucov gənc alimlərin hazırlanmasında fəal iştirak edib.


Etiketlər:  Texniki Universitetin kafedra müdiri koronavirusdan vəfat edib


RƏYLƏR



Populyar Xəbərlər

XƏBƏR LENTİ