Aktual mövzular: Dollar alış-satışı, Neftin qiyməti, COP29, Hava proqnozu

Azərbaycan gələcəkdə ''Abşeron'' və ''AÇG'' dərin yatağından qaz tədarük edəcək

Azərbaycan gələcəkdə ''Abşeron'' və ''AÇG'' dərin yatağından qaz tədarük edəcək

Tarix: 30 Dekabr 2020 17:16

Bakı. Ləman Zeynalova - Trend:

"Cənub Qaz Dəhlizi" əlavə gücə malikdir və bunu yeni kompressor stansiyaları əlavə etməklə daha da artırmaq olar.

Trend-in məlumatına görə, bunu Azərbaycan Dövlət Neft Şirkətinin (SOCAR) vitse-prezidenti Elşad Nəsirov deyib.

O bildirib ki, gələcəkdə Azərbaycan "Abşeron" yatağından, eləcə də "Azəri-Çıraq-Günəşli" (AÇG) dərin qaz yataqları blokundan qaz tədarük edə biləcək. "Abşeron" yatağında gələn il Fransanın "Total" şirkəti ilə birgə hasilatın başlanması planlaşdırılır.

E.Nəsirov əlavə edib ki, yeni qaz dəhlizinin potensialını tam işə salmaq üçün bu layihədə Mərkəzi Asiya və Şərqi Aralıq dənizi ölkələrinin iştirakı vacibdir:

"2018-ci ildə beş Xəzəryanı ölkə Xəzər dənizinin hüquqi statusu barədə konvensiyanı imzaladığı üçün dənizdə yeni boru kəmərlərinin tikintisi üçün heç bir maneə qalmayıb. Bu, həmin ölkələrdən qazın yeni dəhlizə qoşulmasına imkan verəcək".


Etiketlər:  Azərbaycan gələcəkdə Abşeron AÇG dərin yatağından tədarük edəcək


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ