Paşinyan Putinin Qarabağla bağlı təşəbbüsünü pozmaq niyyətindədir - Rusiya nəşri

Tarix: 7 Yanvar 2021 11:46

Erməni diplomatiyası Rusiyanın vasitəçilik səylərinə və birbaşa Rusiya Prezidenti Vladimir Putinin iştirakı ilə Dağlıq Qarabağda hərbi əməliyyatların dayandırılmasına dair imzalanan Moskva bəyanatına və sülh təşəbbüslərinə daha bir zərbə vurur.

Sonxeber.net Gradator.Ru-ya istinadən xəbər verir ki, yanvarın 11-də Moskvada Rusiya, Azərbaycan və Ermənistan rəhbərləri arasında bütün bölgənin gələcəyi üçün əsas görüş baş tuta bilər və bu görüşdə tərəflər 9 noyabrda əldə olunan razılaşmaları yeni, daha sistemli səviyyəyə gətirməlidirlər.

Belə bir mühüm hadisə ərəfəsində Ermənistan XİN-nin rəhbəri Ara Ayvazyan Dağlıq Qarabağ ərazisinə təxribat xarakterli səfər edir və Moskvada keçiriləcək danışıqları çətinləşdirmək və Putinin əhval-ruhiyyəsini pozmaq üçün revanşist bəyanatlar verir.

Rusiya və şəxsən Putin üçün indi Rusiya sülhməramlılarının varlığını və əhəmiyyətini qoruyaraq, noyabrda əldə edilmiş razılaşmaları və Cənubi Qafqazda təhlükəsizliyi gücləndirmək son dərəcə vacibdir.

Amma Ayvazyan və kuratorlarının fərqli hədəfləri var. Buna görə Ayvazyan, sonradan müharibəyə səbəb olan Paşinyanın müharibədən əvvəlki "döyüşlərini" təkrarlamaq qərarına gəlib və Dağlıq Qarabağa gedib. Orada Arutyunyanın rəhbərlik etdiyi Qarabağ separatçı quldurlarının qalıqlarını toplamağa çalışıb və onları "Artsax dirçəlişi"nin yeni mifik perspektivləri ilə ruhlandırıb.

Beləliklə, Ayvazyan Qarabağda olarkən Putinin iştirakı ilə Moskvada keçiriləcək görüşün uğursuz olması üçün mümkün olan hər şeyi edir. Onun ancaq Paşinyan kimi, Azərbaycanın Şuşa şəhərində sərxoş halda rəqs etməsi qalıb.

Paşinyanın rəqsinin hansı nətisə ilə sonuclandığını indi hamı yaxşı bilir. Bəli, Paşinyan, deyəsən, Moskva ilə dost olmağın daha yaxşı olduğunu və Azərbaycanı təhrik etməməyin daha yaxşı olduğunu öyrəndi. Rusiyadan dəstək görməyən "böyük erməni döyüşçüləri" qaçdılar, Moskvadan rusları Türkiyəyə qarşı müharibəyə çağıran ermənilər isə elə Rusiya paytaxtındakı rahat divanlarında qaldılar, buradan da demaqogiya ilə və müxtəlif təxribatlarla məşğul olmağa davam etdilər.

Ancaq digər xarici mərkəzlərdən xüsusi sifarişlər alan Ayvazyan köhnəlmiş erməni layihəsi "artsax"ın xarabalıqları üzərində yeni bir erməni oyunu qurmaq qərarına gəlib...

Aslan Məmmədov