Aktual mövzular: Dollar alış-satışı, Məzənnə, Neftin qiyməti

Salyanda “xınayaxdı” keçirənlər cərimələndi (FOTO/VİDEO)

Tarix: 16 Fevral 2021 16:45

Bakı. Samir Əli - Trend:

Salyan Rayon Polis Şöbəsinin (RPŞ) əməkdaşları tərəfindən karantin rejimi qaydalarının pozulması hallarının qarşısının alınması istiqamətində profilaktik tədbirlər davam etdirilir.

Daxili İşlər Nazirliyindən Trend-ə verilən məlumata görə, Salyan RPŞ-nin əməkdaşları tərəfindən şəhər ərazisində xidmət aparılan zaman “Tomris” kafesində sanitar-karantin rejiminin tələblərini pozaraq çoxsaylı qonaqların iştirakı ilə gizli şəkildə “xınayaxdı” mərasimi təşkil edildiyi müəyyən edilib. Polislər tərəfindən məclisin keçirilməsinin qarşısı alınıb.
Məclisin təşkilatçısı və iştirakçılar barəsində inzibati qaydada protokollar tərtib olunaraq hər biri 200 manat cərimə ediliblər.