Aktual mövzular: Dollar alış-satışı, Neftin qiyməti, COP29, Hava proqnozu

Azərbaycana ötən il 264 mln. dollarlıq dərman idxal edilib - CƏDVƏL

Tarix: 22 Fevral 2021 18:02

2020-ci il ərzində Azərbaycan pərakəndə satış üçün formalarda və ya bağlamalarda qablaşdırılan 264,251 mln. ABŞ dolları (təxminən 449,227 mln. manat) dəyərində 19 364,44 ton dərman vasitələri idxal edib.

Sonxeber.net APA-ya istinadən bildirir ki, COVID-19 pandemiyası fonunda dərman vasitələrinin idxalı ötən il həcm ifadəsində 35,8%, dəyər ifadəsində isə 23% artıb.

Azərbaycana dərman vasitələri göndərən ölkələrə gəldikdə, 2020-ci ildə ölkə ən çox dərmanı Türkiyədən idxal edib. Hesabat dövründə Azərbaycan qonşu ölkədən 51,987 mln. dollar dəyərində 2 745,94 ton pərakəndəlik dərman vasitələri gətirib ki, bu da illik müqayisədə 63,6% (dəyər ifadəsində) çoxdur. İdxal bazarında ikinci olan Almaniya isə Azərbaycana dərman ixracını 18,4% artıraraq 28,057 mln. dollarlıq 489,45 ton dərman göndərib. Üçüncü pillədə qərarlaşan Rusiyadan isə ölkəyə 21,782 mln. dollarlıq 5 461,47 ton dərman tədarük edilib. Bu, illik müqayisədə 2 dəfə çoxdur.

Azərbaycana dərman vasitələrini ixrac edən əsas ölkələr:

#	Ölkə	Həcm, ton	Dəyər, mln $	İllik dinamika
1	Türkiyə	2 745,94	51,987	63,6%
2	Almaniya	489,45	28,057	18,4%
3	Rusiya	5 461,47	21,782	2 dəfə
4	Fransa	239,27	17,550	-7,1%
5	Ukrayna	5 118,71	12,294	38%
6	İtaliya	199,61	11,864	8,1%
7	Hindistan	237,19	10,967	29%
8	İspaniya	240,94	10,354	34,5%
9	İsveçrə	53,82	9,871	-39%
10	Macarıstan	214,49	8,978	14,7%