Aktual mövzular: Dollar alış-satışı, Neftin qiyməti, COP29, Hava proqnozu

“Xiaomi” şirkəti bu il üçün planlarını açıqlayıb

“Xiaomi” şirkəti bu il üçün planlarını açıqlayıb

Tarix: 23 Fevral 2021 23:16

"Xiaomi" şirkəti diqqəti "ağıllı" ev üçün qurğuların yaradılmasına yönəldəcək. Bu barədə şirkət rəhbəri Lu Veybinin sosial şəbəkələrdə yayılan məlumatında deyilir.

Sonxeber.net ictnews.az-a istinadən bildirir ki, Çin şirkətinin top-menecerinin sözlərinə görə, 2021-ci il "Əşyalar interneti" (Internet of Things, IoT) ili olacaq. Bununla əlaqədar "Xiaomi" xüsusilə Çin bazarında "ağıllı" ev üçün məhsulların buraxılışına üstünlük verəcək. Jurnalistlər qeyd edib ki, beləliklə, "Xiaomi" mövcud müxtəlif məişət cihazlarının çeşidini daha da genişləndirmək niyyətindədir.

Şirkət tərəfindən Yeni il bayramı və tətili günlərində qurğuların satışının təhlil edildiyini bildirən L.Veybin "Xiaomi" məhsullarına marağın artmasını vurğulayıb. O qeyd edib ki, şirkət nəzərdə tutulandan daha çox "ağıllı" ev əşyası buraxmağı və "Əşyalar interneti" seqmentinə əvvəllər smartfonlara olduğu kimi, daha çox diqqət yetirməyi planlaşdırır.

Bununla belə, "Xiaomi" təsisçisi hansı qurğuların buraxılışının planlaşdırılmasını konkretləşdirməyib, eləcə də smartfonlar seqmentinə diqqətin nə dərəcədə yetiriləcəyini dəqiqləşdirməyib.


Etiketlər:  Xiaomi şirkəti üçün planlarını açıqlayıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ