Erməni fəal İlham Əliyevə müraciət etdi - FOTO

Tarix: 18 Mart 2021 19:44

Məşhur erməni ictimai-siyasi fəal İşxan Verdyan Azərbaycan Prezidenti İlham Əliyevə müraciət edib.

Sonxeber.net bildirir ki, Facebook profilində yaydığı müraciətdə İ.Verdyan yazıb: "Hörmətli cənab Prezident! Nəzərinizə çatdırıram ki, Azərbaycan Respublikasının iki vətəndaşı - Robert Köçəryan və Serj Sarqsyan hazırda qanunsuz olaraq Ermənistan Respublikası ərazisindədir. Onlar təxribatçı fəaliyyətləri ilə Azərbaycanla Ermənistana ağır ziyan vurur, özləri üçün adi olaq banditizm və terrorizm metodları vasitəsilə fəaliyyət göstərirlər.

Adları çəkilən vətəndaşların Azərbaycana ekstradisiyası üçün bütün zəruri tədbirlərin görülməsini sizdən xahiş edirəm".

Fevralın 26-da, Xocalı soyqırımının anım günündə İ.Verdyan Azərbaycan xalqına başsağlığı vermiş, günahkarların cəzalarını alacaqlarına ümid etdiyini vurğulamışdı.