“Virgin Galactic” yeni kosmolyot təqdim edib

Tarix: 1 Aprel 2021 10:18

"Virgin Galactic" şirkəti "SpaceShip III" seriyalı yeni "Imagine" kosmolyotunu təqdim edib. Şirkətin hazırladığı kosmolyotlar mütəmadi suborbital turistik uçuşların yerinə yetirilməsi üçün nəzərdə tutulub.

"ICTnews" Elektron Xəbər Xidməti "Belta" resursuna istinadən yazır ki, yeni kosmolyot mümkün uçuşların tezliyi, eləcə də ona texniki xidmətin göstərilməsi baxımından əvvəlki modellərdən daha təkmildir.

Məlumata görə, şirkət əməkdaşlarının yaxın vaxtlarda "Imagine" kosmolyotunun sınaqlarına başlayacağı gözlənilir. O, bu ilin yayında Nyu-Meksiko ştatı üzərində havaya qalxacaq.

Bundan başqa, "Virgin Galactic" hazırda bu seriyaya aid "Inspire" adlı ikinci kosmolyot üzərində çalışır.

Nizam Nuriyev