Bu ölkədə karantin sərtləşdirildi

Tarix: 2 Aprel 2021 13:10

Moldovada mayın 30-dək elan edilmiş fövqəladə vəziyyət çərçivəsində yeni növ koronavirusa qarşı tədbirlər sərtləşdirilib.

Sonxeber.net "qafqazinfo"-ya istinadən xəbər verir ki, qərara əsasən, ölkədəki parklar, oyun meydançaları və idman zalları, istirahət mərkəzləri bağlanıb, mitinqlər və müxtəlif mərasimlər qadağan edilib.

Paytaxt Kişinyov və Beltsı şəhərlərində saat 23:00-05:00 arasında komendant saatı tətbiq edilsə də, ölkədəki dövlət qurumları, özəl şirkətlərin işçilərinin yüzdə 70-i onlayn iş rejiminə keçib.

Məktəblər fəaliyyətinə distant təhsil üzrə davam edəcək, bağçalar işləyəcək.

Bundan əlavə, qərara görə, Moldovanın Qaqauz Muxtar Bölgəsində 16 mayda keçiriləcək Xalq Məclisi seçkiləri təxirə salınıb.