Bunların təbii ağrıkəsici olduğunu bilirdinizmi?

Tarix: 11 Aprel 2021 14:03

Hər dəfə bədəninizin müəyyən hissələrində ağrı ya da narahatlıq hiss etdikdə həmin dəqiqə ağrıkəsici qəbul etmək istəyirsiniz.  Lakin bu dərmanlar sağlamlıq üçün olduqca təhlükəlidir. Belə ki, tərkibi kimyəvi maddələr olan ağrıkəsicilər bədəndə olan narahtlığı qismən azaltsa da, başqa orqanlara mənfi təsir edir. Buna görə də mütəxəssilər, şiddətli ağrılara qarşı bunları əvəz edən təbii vasitələrin qəbulunu məsləhət görür.

Sonxeber.net Axşam.az-a istinadən, həmin təbii vasitələri təqdim edir:

1.Zəncəfil
Zəncəfil oynaq və əzələ ağrısı üçün nəzərdə tutulur. Həzm problemlərini və soyuqdəyməni aradan qaldırmaqla yanaşı oynaq ağrısını azalda bilən "gingerol" adlanan iltihab əleyhinə birləşmələrlə zəngindir. Aparılan son araşdırmalar zamanı, 11 gün davamlı olaraq zəncəfil qəbul edən insanların əzələ ağrılarında yüzdə 25 faiz azalma müşahidə edilib. Başqa bir araşdırmada isə zəncəfil ekstraktının diz ağrısını da azaltmağa kömək etdiyi məlum olub. Amerikalı alimlər, zəncəfili oynaq ağrılarında alternativ qida olaraq tövsiyyə edir.

2.Qızıl balıq
Qızıl balıq əsasən mədə ağrısı üçün məsləhət görülür. Qida mütəxəssislərinin apardığı təcrübələrə əsasən, qızıl balığın tərkibindəki Omega-3 ağrıyan oynaqları, eyni zamanda stresslə əlaqəli yaranan mədə ağrılarının da qarşısını ala bilir. Buna görə də mədə ağrısı zamanı omeqa-3 mənbəyi olan qızılbalıq yemək məsləhət görülür.

3.Qəhvə
Qəhvə baş ağrılarını və miqreni aradan qaldırır. Araşdırmalar göstərir ki, təxminən 16 qram dəmlənmiş qəhvə ( tərkibində 200 milliqram kofein miqdarı vardır) miqren də daxil olmaqla, baş ağrılarından xilas olmağa kömək edir. Lakin artıq hər gün qəhvə qəbulunu dayandırsanız, bununun tam əksi olacaq. Çünki mütəmadi qəhvə içənlər birdən birə kofeini azaltdıqda baş ağrıları geri qayıdır. Mütəxəssislər, gündə bir ya da iki fincan qəhvə içməyin sağlamlığa heç bir zərəri olmadığını bildirirlər.

4. Adaçayı
Adaçayı daha çox boğaz ağrısı üçün istifadəe dilir. Dalamazkimilər fəsiləsinə aid bitki növüdür. Boğazda ağrı yaxud da qıcıqlanma olduğu zaman adaçayı yarpaqları ilə dəmlənən bitki çayı qəbul edin. Bu mütəxəssislər tərəfindən tövsiyyə edilir və kliniki sınaqlar zamanı da müsbət nəticələr verib.

5. Albalı
Albalı  ağrıyan və yorğun əzələlər üçün istifadə edilir. Bəzən məşqdən sonra əzələlərdə ağrılar yaranır. Böyük Britaniyalı mütəxəssislər bu ağrılara qarşı da təbii vasitə müəyyən ediblər. Onlar albalının əzələ ağrılarını azaltdığını müşahidəe diblər. Təcrübə zamanı 10 gün ərzində, gündə iki dəfə 1 stəkan albalı suyu içənlərin əzələ ağrıları digərlərinə nisbətən  azalıb. Ümumiyyətlə üzüm, nar, albalı kimi meyvələr orqanizimdə yüksən ağrıkəsici effekti yaratmağa qadirdir.