Aktual mövzular: Dollar alış-satışı, Neftin qiyməti, COP29, Hava proqnozu

“Samsung” şirkəti köhnə smartfonları “ağıllı” ev qurğularına çevirəcək

“Samsung” şirkəti köhnə smartfonları “ağıllı” ev qurğularına çevirəcək

Tarix: 23 Aprel 2021 09:27

“Samsung Electronics” şirkəti tərəfindən elan edilən “Galaxy Upcycling at Home” təşəbbüsü çərçivəsində bu brendin köhnə smartfonları “Əşyalar interneti”ndə istifadə məqsədilə uyğunlaşdırıla bilər.

 

“ICTnews” Elektron Xəbər Xidməti “ria.ru” saytına istinadən yazır ki, hələ ki smartfonlar üçün iki istifadə variantı işlənib hazırlanıb. Məsələn, qapının döyülməsini və ya körpənin ağlamasını eşidən qurğu istifadəçinin aparatına xəbərdarlıq göndərə bilər. Yaxud işığın avtomatik idarə edilməsi üçün cihazdan işıqlandırma sensoru kimi istifadə edilə bilər. Smartfon və “ağıllı” əşyalar “Samsung SmartThings” ekosisteminə qoşulacaq.

 

Proqram yalnız 2019-cu ildə təqdim edilmiş “Galaxy S”, “Note” və “Z” seriyalarının smartfonlarını dəstəkləyir. Şirkətdən bildirilib ki, “Galaxy Upcycling at Home” təşəbbüsü telefonun akkumulyatorunun uzunmüddətli işi üçün optimallaşdırılıb.

 

Xidmətin beta-versiyası ABŞ, Böyük Britaniya və Cənubi Koreyada işləyir, daha sonra proqram digər ölkələrdə əlçatan olacaq.

 

Emil Hüseynov




Etiketlər:  Samsung şirkəti köhnə smartfonları ağıllı qurğularına çevirəcək


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ