Aktual mövzular: Dollar alış-satışı, Neftin qiyməti, COP29, Hava proqnozu

Tanınmış xormeysterə Moskvada təşəkkür etdilər - FOTO

Tanınmış xormeysterə Moskvada təşəkkür etdilər - FOTO

Tarix: 11 May 2021 10:51

Azərbaycan Dövlət Akademik Musiqili Teatrının baş xormeysteri, Əməkdar artist Vaqif Məstanov "Zvuçit Moskva" ("Moskva səslənir") - XIX Beynəlxalq Musiqi Festivalının təşkilatçılarının dəvəti ilə münsiflər heyətində iştirak edib.

Tanınmış xormeyster onlayn keçirilən bu müsabiqədə Rusiya, İtalya, Monteneqrodan olan  şöhrətli incəsənət  xadimləri  ilə  birgə dünyanın müxtəlif yerlərindən müsabiqəyə qatılan xor kollektivlərinin klassik-akademik ifalarını dəyərləndirib.

Festival rəhbərliyi Vaqif Məstanova bu mədəniyyət tədbiri müddətində yüksək səviyyəli fəaliyyətinə, işinə xüsusi peşəkarlıqla yanaşdığına, eyni zamanda gənc nəslin mənəvi-əxlaqi tərbiyəsinə verdiyi töfhələrə görə "Təşəkkürnamə" ünvanlayıb.

Xatırladaq ki, dünən 66 yaşını qeyd edən Vaqif Məstanov ömrünün 31 illini Musiqili Teatrda yaradıcılıq işlərinə həsr edib.

1990-cı ildə teatrda baş xormeyster kimi fəaliyyətə başlayandan indiyə qədər  Vaqif Məstanov saysız səhnə əsərlərinin xormeysteri olub.


Etiketlər:  Tanınmış xormeysterə Moskvada təşəkkür etdilər FOTO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ