Aktual mövzular: Dollar alış-satışı, Neftin qiyməti, COP29, Hava proqnozu

“OLED” ekranlı “Xiaomi” noutbuku nümayiş olunub

Tarix: 6 Iyul 2021 23:04

"Xiaomi" şirkəti öz noutbuklar seriyasında ən güclüsü olan "Mi Notebook Pro X15" modelini nümayiş etdirib. Kompüter müasir proqram təminatı ilə təchiz edilib.

Sonxeber.net ictnews.az-a istinadən bildirir ki, yeni noutbukun əsas xüsusiyyətlərindən biri 60 giqahers yeniləmə tezliyinə və "Corning Gorilla" qoruyucu şüşəsinə malik "OLED" texnologiyası əsasında hazırlanmış 15,6 düym diaqonallı displeydir. İstehsalçı nümayəndələrinin sözlərinə görə, bunun sayəsində noutbuk bir dəfə tam enerji topladıqdan sonra 12 saat işləyir ki, bu da böyük ölçüyə malik model üçün uzun müddətdir.

Versiyadan asılı olaraq noutbukda on birinci nəsil "Intel Core i7" və "Intel Core i5" prosessorlarından istifadə edilib. Lakin videosürətləndirici "NVIDIA RTX 3050 Ti" olmaqla eynidir. Noutbuk 32 giqabaytlıq operativ və 1 terabaytlıq quraşdırılmış yaddaşla təchiz edilə bilər.

"Mi Notebook Pro X15" noutbuku əvvəlcə Çin bazarında satışa çıxarılıb. Onun əsas versiyasının qiyməti 8 min yuan təşkil edir.

Whatsapp ilə göndər