Aktual mövzular: Dollar alış-satışı, Məzənnə, Neftin qiyməti

"Teleqram"da yeni funksiyalar yaradıldı

Tarix: 31 Iyul 2021 10:20

"Teleqram"da yeni imkanlar yaradılıb.

Milli.Az publika.az-a isitinadən bildirir ki, indi 30-a qədər iştirakçı videokonfrans rejimində eyni vaxtda video translyasiya edə bilər. Bundan başqa, videokonfranslar 1 000-ə qədər izləyicini əhatə etməyə başlayıb - bunun sayəsində "teleqram" vasitəsilə mühazirələrin, konsertlərin və başqa kütləvi tədbirlərin yayımına baxmaq olar.

"Videomesajlar telefonunuzda lazımsız videoları saxlamadan ətrafınızda baş verənləri qısa zamanda dostlarınızla paylaşmağa imkan verir. Bu gündən etibarən təsvirin keyfiyyəti artırılıb - əgər alınan videomesajı tıklasanız, çat söhbəti tamamilə genişlənəcək", - məlumatda deyilir.

Bundan əlavə, kompüter üçün "teleqram" tətbiqində şəkil redaktoru yaradılıb: hər hansı şəkli və ya ekran görüntüsünü göndərməzdən əvvəl kəsə, çevirə, rəsm və ya stiker əlavə etmək olar.

Milli.Az

Whatsapp ilə göndər