Aktual mövzular: Dollar alış-satışı, Neftin qiyməti, COP29, Hava proqnozu

“Huawei” şirkəti “6G” şəbəkəsi üçün avadanlığın istehsalına başlayıb

“Huawei” şirkəti “6G” şəbəkəsi üçün avadanlığın istehsalına başlayıb

Tarix: 16 Avqust 2019 16:45

“Huawei” şirkəti “6G” standartı üçün şəbəkə həlləri hazırlamağa başlayıb.

 

“ICTnews” Elektron Xəbər Xidməti “4PDA” resursuna istinadən yazır ki, bu məqsədlə Çin istehsalçısı 13 aparıcı tədqiqat institutu ilə birgə iş aparır. Şirkətin texnoloji bazası Kanadanın paytaxtı Ottavada yerləşir.

 

Analitiklərin ilkin qiymətləndirməsinə görə, altıncı nəsil mobil rabitə şəbəkəsi (6G) 2030-cu ildə kommersiya istifadəsinə veriləcək. Bu müddət ərzində operator və telekommunikasiya avadanlığı istehsalçıları saniyədə 1 terabit buraxılış qabiliyyətinə malik şəbəkələri mənimsəməyə hazır olmalıdırlar.

 

Bir müddət əvvəl internet mənbələrində “Samsung” şirkətinin də analoji tədqiqatlar apararaq “6G” avadanlığı hazırlamağa başlaması barədə məlumatlar dərc edilib. Bundan başqa, “Nokia”, “Ericsson” və “SK Telekom” şirkətləri altıncı nəsil mobil rabitə şəbəkəsinin qurulmasında aktiv iştirak etməklə bağlı planlarını açıqlayıb. Bunun üçün şirkətlər arasında “6G” şəbəkəsinin inkişafında strateji tərəfdaşlıq haqqında saziş imzalanıb.

 

Nizam Nuriyev




Etiketlər:  Huawei şirkəti şəbəkəsi üçün avadanlığın istehsalına başlayıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ