Vüqarlı döyüş yolu - VİDEO

Tarix: 15 Noyabr 2021 14:32

Vüqar Əkbərov Şuşa əməliyyatında qəhrəmancasına şəhid olub.

Tovuzda 44 günlük Vətən müharibəsində qorxmazlığı, igidliyi ilə fəqrlənən, adı kimi vüqarlı döyüş yolu keçən DİN-in Daxili Qoşunlarının hərbi qulluqçusu, baş çavuş Vüqar Əkbərovun anım mərasimi keçirilib.

Sonxeber.net Real TV-yə istinadən xəbər verir ki, anım mərasimində Daxili İşlər Nazirliyinin təmsiçisi, Rayon Polis Şöbənin və Rayon Mühafizə Şöbəsinin şəxsi heyəti, Daxili Qoşunların hərbi qulluqçuları, şəhidin ailə üzvləri, döyüş yoldaşları və rayon ictimaiyyəti iştirak ediblər.

Mərasimin əvvəlində şəhidin məzarı önünə əklillər qoyulub, çiçəklər düzüb, ruhuna dualar oxunub, əziz xatirəsi yad edilib. Daha sonra isə çıxış edən tədbir iştirakçıları vətənpərvər övladlarımızın döyüşlərdə göstərdikləri sücaətlərdən, igidlik salnamələrdən danışaraq, xalqımızın hər biri ilə fəxr etdiyini bildiriblər. Azərbaycan Xüsusi Təyinatlılarının Şuşanı azad etmə əmliyyatı hərb tarixinin qızıl səhifəsidir. Və bu şanlı tarixdə Vüqar da canını fəda edərək şəhidik zirvəsinə ucalıb.

Vüqar Əkbərov Daxili Qoşunların Xüsusi Təyinatlı Qüvvələrində xidmət edib. Ordu sıralarına DQ-nın Sumqayıtda dislokasiya olunan hərbi hissəsindən qatılıb. Füzuli, Cəbrayıl, Hadrut uğrunda gedən döyüşlərdə fəal iştirak edərək. Böyük qəhrəmanlıqlar göstərib. Şuşa uğrunda döyüşlərdə Qəhrəmanca şəhid olub. Qeyd edəki ki, Vüqar Əkbərov Azərbaycan Respublikası Prezidentinin müvafiq sərəncamları ilə DİN-in Daxili Qoşunlarının hərbi qulluqçusu, baş çavuş Vüqar Əkbərov ölümündən sonra "Vətən uğrunda", "Cəbrayılın azad olunmasına görə" və "Şuşanın azad olunmasına görə" medalları ilə təltif edilib.