Nəsrinin serialına görə kanal cərimələndi

Tarix: 18 Noyabr 2021 15:15

Türkiyədə radio və televiziya yayımını dəstəkləyən RTÜK "Show TV"də bir neçə bölümü yayımlanan "Üç Kuruş" serialı ilə bağlı şikayətlərdən sonra qərar qəbul edib.

Sonxeber.net Axşam.az-a istinadən xəbər verir ki, qurum ekran işində qaraçılara qarşı ayrıseçkilik edildiyi və alçaldıcı ifadələr ehtiva edən sözlər işlədildiyini təsdiqləyib. Bunun ictimaiyyətdə mənfi fikir formalaşdırdığı bildirilib.

Qadınlara qarşı zorakılıq, təcavüz, qarşılıqlı zorakılıq, jarqonlardan istifadə olunması və davamlı şiddət tərkibli kadrların yer alması səbəbindən kanala ağır inzibati cərimə tətbiq etmək qərarı verilib.

Qeyd edək ki, ekran işinin baş rollarını Uraz Kayqılaroğlu, Nəsrin Cavadzadə, Ekin Koç və Aslıhan Malbora paylaşır.