Aktual mövzular: Dollar alış-satışı, Məzənnə, Neftin qiyməti

Dünyada pandemiya ilə bağlı vəziyyət gündən-günə ağırlaşır - Cons Hopkins Universiteti

Tarix: 28 Noyabr 2021 15:52

Dünyada COVID-19 koronavirus infeksiyasına yoluxma hallarının sayı 261 milyon 87 min 872-ə yüksəlib.

Milli.Az "Report"a istinadən xəbər verir ki, bu barədə Amerikanın Cons Hopkins Universiteti məlumat yayıb.

Koronavirusun yayılmağa başlamasından indiyədək 5 milyon 195 min 232 nəfər təhlükəli infeksiyadan dünyasını dəyişib.

Dünyada koronavirusa ən çox yoluxma və ölüm ABŞ-da qeydə alınıb. Birləşmiş Ştatlarda COVID-19-a 48 milyon 202 min 463 yoluxma aşkar edilib, 776 536 xəstə ölüb. Hindistanda COVID-19-a yoluxanların sayı 34 milyon 572 min 523 nəfərə çatıb, 468 554 nəfər ölüb. Braziliyada pandemiya zamanı 22 milyon 76 min 863 yoluxma və 614 186 ölüm qeydə alınıb.

Xatırladaq ki, koronavirus 2019-cu ilin dekabrında Çinin Uhan şəhərində yayılmağa başlayıb. Ümumdünya Səhiyyə Təşkilatı 2020-ci ilin fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.

Milli.Az

Whatsapp ilə göndər