Aktual mövzular: Dollar alış-satışı, Neftin qiyməti, COP29, Hava proqnozu

Bakıda naməlum şəxslər marşrut avtobusuna hücum etdi, pəncərə sındırıldı (FOTO)

Tarix: 3 Sentyabr 2019 17:27

Bakı. Samir Əli - Trend:

Bakıda naməlum şəxslər “BakuBus” avtobusunun pəncərəsini sındırıb.

Bu barədə Trend-ə “BakuBus” MMC-nin mətbuat xidmətindən məlumat verilib.

Məlumatda bildirilir ki, “BakuBus” MMC-yə məxsus avtobusun pəncərə şüşəsi naməlum şəxslər tərəfindən sındırılıb.

Hadisə sentyabrın 2-də axşam saat 20:00 radələrində Gəncə prospektində qeydə alınıb.

21 nömrəli marşrut xətti üzrə metronun “28 May” stansiyasının qarşısından “Əhmədli” stansiyası istiqamətində hərəkət edən avtobusa yolun kənarındakı ağacların arasından naməlum şəxslər tərəfindən ağır əşya atılıb. Həmin əşya avtobusun pəncərəsinə dəyib və zərbənin gücündən şüşə sınıb.

Hadisə ilə bağlı Bakı şəhəri Xətai rayon 35-ci Polis Bölməsində araşdırma başlanıb.

Trend-in ən mühüm və maraqlı xəbərlərini "Telegram"da izləyin