Aktual mövzular: Dollar alış-satışı, Məzənnə, Neftin qiyməti

AVRO-2022: Azərbaycan millisi qrupda qalıb

Tarix: 29 Yanvar 2022 22:50

Futzal üzrə Azərbaycan millisi növbəti oyununu keçirib.

Milli.Az apasport.az-a istinadən bildirir ki, Joze Alesio da Silvanın yetirmələri AVRO-2022-də çıxışını başa vurub.

Qrup mərhələsində son sınağına çıxan yığmamız ilk qələbəsini qazanıb - 4:2. Lakin Bosniya və Herseqovina ilə matçdakı üç xal 1/4 finala çıxmaq üçün kifayət etməyib.

D qrupundan ilk vəsiqəni əldə edən Gürcüstan İspaniya ilə matçda uduzub - 0:8. Nəticədə bu iki komanda mübarizəni davam etdirəcək. Bunadək Gürcüstan (2:3) və İspaniya (2:2) ilə qarşılaşan millimiz isə qrup üçüncüsü kimi AVRO-2022 ilə vidalaşıb.

Qeyd edək ki, İspaniya və Gürcüstandan başqa, Rusiya, Portuqaliya, Ukrayna, Qazaxıstan, Finlandiya və Slovakiya da 1/4 finala yüksəlib.

AVRO-2022, final mərhələsi
III tur, D qrupu
29 yanvar
20:30. Azərbaycan - Bosniya və Herseqovina - 4:2
Qollar: Bolinya, 7, Eduardo, 11, Vilela, 33, Qallo, 40 - Radmiloviç, 12 (pen.), Kahvedziç, 32
Hakimlər: Daniel Matkoviç (İsveçrə), David Qrondal Nissen (Danimarka), Yan Kresta (Çexiya)
Amsterdam. Ziqqo Dome