Aktual mövzular: Dollar alış-satışı, Neftin qiyməti, COP29, Hava proqnozu

“Azərbaycanlıların gözünü qaşıqla çıxarıb, sonra öldürürük” - Rza Diqqətinin şahidi olduqları

“Azərbaycanlıların gözünü qaşıqla çıxarıb, sonra öldürürük” - Rza Diqqətinin şahidi olduqları

Tarix: 24 Fevral 2022 20:50

Azərbaycan Televiziyası Xocalı soyqırımının 30-cu ildönümü ilə bağlı üç sənədli film hazırlayıb.

AzTV-nin Sosial media və ictimaiyyətlə əlaqələr şöbəsinin məlumatına görə, filmlərdən biri dünyaşöhrətli fotomüxbir Rza Diqqətinin Xocalı soyqırımından sonra şahidi olduqlarından bəhs edir.

Belə ki, fotomüxbir Xocalı soyqırımı xəbərini alan kimi Azərbaycana gəlib, çətinliklə Ağdama yol tapıb, orada Xocalı sakinləri ilə görüşüb. O, həmçinin əsirlərin və meyitlərin dəyişdirilməsi prosesində də iştirak edib, şahidi olduqlarını lentin yaddaşına köçürüb.

R.Diqqəti filmdə şahidi olduğu hadisələri detallarına kimi danışır. O, erməni ilə qarşılaşdığını, onun bir hərəkətindən dəhşətə gəldiyini ifadə edib: "Erməninin əlində qaşıq var idi. Dedi ki, biz azərbaycanlı tapanda əvvəlcə bu qaşıqla gözünü çıxarırıq, sonra öldürürük".

"Danışan fotolar"da fotomüxbirin müəllifi olduğu fotolar da təqdim olunur.

Filmdə Xocalı soyqırımının ağrı-acılarını yaşamış Nazilə Məmişova, Famil Salahov, Valeh Hüseynov və digərlərinin də müsahibələrinə yer verilib.

"Danışan fotolar" sənədli filmi fevralın 26-sı saat 22:00-da AzTV-də nümayiş olunacaq.

Bundan başqa, film "Park bulvar"da yerləşən "Park cinema" kinoteatrında da ödənişsiz göstəriləcək.

Filmə baxmaq istəyənlər saat 15:10-da, 17:10-da və 19:10-da "Park cinema"ya yaxınlaşa bilərlər.

https://www.youtube.com/watch?v=AGC8JG1AOaY&ab_channel=AZTV


Etiketlər:  Azərbaycanlıların gözünü qaşıqla çıxarıb sonra öldürürük Diqqətinin şahidi olduqları


RƏYLƏR



Populyar Xəbərlər

XƏBƏR LENTİ