''Ukrayna oraya silah tədarük edən ölkələrin əlində alətdir'' - Peskov

Tarix: 2 Iyun 2022 15:18

Ukrayna tərəfinin Rusiya Federasiyası ərazisindəki hədəflərə zərbə endirmək üçün xarici silahlardan istifadə etmək cəhdləri vəziyyəti xeyli pisləşdirəcək, bu, "tamamilə arzuolunmaz" ssenaridir.

Sonxeber.net TASS-a istinadən bildirir ki, bunu jurnalistlərə Rusiya Federasiyası Prezidentinin mətbuat katibi Dmitri Peskov deyib.

"Ukrayna ən müasir silahlarla doldurulmaqda davam edir. Mən hələ də tamamilə arzuolunmaz və çox xoşagəlməz ssenarilərdən danışmaq istəmirəm ki, onlar bu silahlardan bizim ərazimizdəki hədəflərə qarşı istifadə etməyə çalışacaqlar. Bu, vəziyyəti əhəmiyyətli dərəcədə əlverişsiz istiqamətdə dəyişəcək", - Kreml sözçüsü Amerika silahlarının Ukraynaya yeni tədarükü ilə bağlı məlumatı şərh etmək istəyinə cavab olaraq bildirib.

Onun sözlərinə görə, Ukraynaya xarici silahların tədarükü ona ancaq daha çox əziyyət verəcək. "Əlbəttə ki, Ukraynanın hər dəfə daha müasir silahlarla doldurulması xüsusi hərbi əməliyyatın parametrlərini dəyişmir - istənilən halda, xüsusi hərbi əməliyyatın məqsədlərinə nail olunacaq - sadəcə olaraq, onlara daha çox əziyyət verəcək. Ukrayna, sadəcə olaraq, oraya silah tədarük edən ölkələrin əlində alətdir", - deyə o qeyd edib.

Aslan Məmmədov