Aktual mövzular: Dollar alış-satışı, Məzənnə, Neftin qiyməti

Yunis İldırımzadənin oğlu sürücülük hüququndan məhrum edilə bilər

Tarix: 4 Iyun 2022 07:10

Xətai rayonun sabiq prokuroru Yusif İldırımzadənin qardaşı oğlu, bir müddət əvvəl bağlanan "AmrahBank"ın sahibi Yunis İldırımzadənin oğlu Ülvi İldırımzadə növbəti dəfə məhkəməlik olub.

Milli.Az "qafqazinfo"-ya istinadən xəbər verir ki, o, İnzibati Xətalar Məcəlləsinin 529.3-cü maddəsinin tələblərini pozub.

Bu maddədə qeyd olunur ki, yol hərəkəti qaydaları əleyhinə olan inzibati xətaların törədilməsinə görə inzibati cərimə növündə inzibati tənbeh tətbiq etmə haqqında qərarın qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra edilməməsinə görə - nəqliyyat vasitəsini idarə etmək hüququ altı aydan bir ilədək müddətə məhdudlaşdırılır.

İş baxılması üçün Nərimanov Rayon Məhkəməsinə göndərilib, hakim Gültəkin Əsədovanın icraatına verilib.

Qeyd edək ki, Ü. İldırımzadə "AmrahBank"ın Müşahidə Şurasının sədri, atası Yunis İldırımzadənin müşaviri olub. O, bank bağlanandan sonra Dövlət Təhlükəsizlik Xidmətinin apardığı yoxlamalar nəticəsində saxlanılıb, daha sonra isə ev dustaqlığına buraxılmışdı.

Milli.Az

Whatsapp ilə göndər