Afrikanın 12 ölkəsində meymunçiçəyi ocaqları alovlanıb

Tarix: 12 Iyul 2022 20:03

Yanvar ayından bu vaxta kimi Afrikanın 12 ölkəsində meymunçiçəyi qığılcımları qeyd olunub.

Sonxeber.net bakupost-a istinadən xəbər verir ki, Afrika Xəstəliklərə nəzarət mərkəzinin rəhbəri Ahmed Oumu əhali arasında meymunçiçəyinin daha sürətli yayıldığını deyib.

"Ümumi yoluxan sayı 1768 nəfərdir. Onlardan 73 nəfəri ölüb. Ölüm faisi 4,1 faizdir. Bu isə koviddə olduğundan çoxdur".

O qeyd edib ki, afrikalı tibb alimləri meymunçiçəyinin genetik kodunu açmaqla məşğuldur.

"Tədqiqatın məqsədi hazırda bizdə yayılan patogenin növlərini təyin etməkdir. Diqqətimizi çəkən fakt odur ki, meymunçiçəyi indi Afrikanın elə ölkələrində yayılıb ki, əvvəllər orda heç suçiçəyi rastlanmamışdı. Bunlar Sudan, Qvineya, Uqanda, Mərakeş, Efiopiyadır.
İnfeksiya alovlanması endemik zonalarda da var: Qana, Kamerun, Nigeriya. Ən çox ölüm də Nigeriyadadır: 30 nəfər".