Aktual mövzular: Dollar alış-satışı, Məzənnə, Neftin qiyməti

Hafiz Məmmədovun məşhur hoteli acınacaqlı durumda - FOTO

Hafiz Məmmədovun məşhur hoteli acınacaqlı durumda - FOTO

Tarix: 1 Noyabr 2022 08:14

Bir vaxtlar Bakının ən öndə gedən hotellərindən olan "Ramada Shamdan" indi baxımsızlıqdan bərbad hala düşüb.

Milli.Az "qafqazinfo"-ya istinadən xəbər verir ki, hazırda toz içində olan hotelin üst mərtəbələrindəki pəncərələri də qırılıb. Bu isə bu ilin martın 11-də "Ramada Shamdan"da baş verən yanğınla əlaqələndirilir. Ancaq hotelin yanğın olmayan hissəsində də bəzi qırılmış pəncərələr var ki, onların da yeri taxta materiallarla örtülüb.

Məsələ burasındadır ki, hotel yanğın baş verməzdən uzun müddət öncə fəaliyyətini dayandırıb. Bu isə "Ramada Shamdan"ın sahibi Hafiz Məmmədovun müflisləşməsi ilə əlaqələndirilir. Hotelin qanuni təmsilçisi isə Hafiz Məmmədovun oğlu Kənan Məmmədovdur. "Ramada Shamdan"ın hazırda 64045.23 manat vergi borcu var.

Qeyd edək ki, "Ramada Shamdan" "Milyonerlər məhəlləsi" kimi tanınan Məmməd Araz küçəsində yerləşir. Vaxtilə Hafiz Məmmədov Bakıya gələn İspaniyanın "Atletiko" (Madrid) klubunu da məhz bu hoteldə qəbul etmişdi.

Milli.Az


Etiketlər:  Hafiz Məmmədovun məşhur hoteli acınacaqlı durumda FOTO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ