Aktual mövzular: Dollar alış-satışı, Neftin qiyməti, COP29, Hava proqnozu

Məşhur aktrisa Bred Pittdən 100 milyon dollar almaq istəyir

Tarix: 4 Noyabr 2022 21:28

Amerikalı aktrisa Cennifer Eniston həmkarı və keçmiş əri Bred Pitti məhkəməyə vermək niyyətindədir.

Milli.Az bildirir ki, bu barədə "Marca" nəşri məlumat yayıb.

Dava cütlüyün 2001-ci ildə qurduğu "Plan B" prodüser şirkəti ilə bağlıdır. 2005-ci ildə Cenniferdən boşandıqdan sonra Bred onun yeganə sahibi olub. Qeyd olunub ki, Pitt indi şirkəti satmaq qərarına gəlib. Eniston da öz növbəsində öz payını istəyib və 100 milyon dollar tələb edib.

"Bu, təkcə pulla bağlı deyil, prinsipial məsələdir. Cennifer "B Planı"nın yaradıcısı və qurucusu idi. Layihə texniki cəhətdən Bredə təhvil verilsə də, o [Eniston] layiq olduğunu ala bilmədi, baxmayaraq ki, şirkəti sıfırdan yaratdı", - aktrisaya yaxın mənbə deyib.

"Plan B" bir çox filmlərin üzərində işləyib.

Pittin şirkəti satmaq qərarı oktyabrın ortalarında məlum olub. Səbəblər göstərilməyib.

İrfan Vəliyev
Milli.Az

Whatsapp ilə göndər