Kral Çarlz gündə 200 məktuba cavab verəcək işçi axtarır

Tarix: 12 Noyabr 2022 22:40

Kral Çarlz Bukingem sarayına gələn məktublarla məşğul olacaq işçi axtarır.

Sonxeber.net gundem.az-a istinadən bildirir ki, Britaniya mətbuatına istinadən bildirir ki, Kral Yazışmaları Departamentinin rəhbəri yüksək maaş alacaq və gün ərzində ən az 200 məktuba cavab verəcək.

Yazışmalar şöbəsinin müdiri Kral, Kraliça Kamilla, həmçinin Şahzadə Uilyam və Keyt Middltona ünvanlanan məktublara cavab verəcək.

İşçi ildə 60 min funt sterlinq maaş alacaq. O, beş gün ərzində həftədə 37,5 saat işləyərək kral katibinin kabinetində oturacaq. Lakin kral yazışmalarını çeşidləmək asan məsələ deyil. Təkçə Kraliça gündə 200-dən çox, ildə 70.000-ə qədər məktub alırdı.

Göründüyü kimi, Bukingem Sarayına gələn məktubların ardı-arası kəsilməyəcək, ona görə də yeni işçi dünyanın hər yerindən gələn yüzlərlə məktuba cavab verməlidir.

Kral ailəsi artıq qeyd edib ki, onların məktublarına incə rəftar edəcək, yazışmaları məntiq və həssaslıqla işləyəcək şəxs axtarırlar. Ad günü və toy ildönümünə xoş arzular ünvanlayanlara standart cavablar yazmaqla yanaşı, ailə xüsusi cavablar da yaza bilən birini axtarır.

Vakansiya elanı dünən kral evinin saytında yer alıb. Ərizəçilər noyabrın 27-dək müraciət etməlidirlər.

Ən yüksək səviyyəli məktub yazma bacarıqlarına əlavə olaraq, yeni yazışma rəhbəri həm də güclü insanları idarə etmə bacarıqlarına sahib olmalıdır və bəzən şəxsi katibin müavini kimi fəaliyyət göstərməlidir.

Xatırladaq ki, bir müddət əvvəl Bukingem sarayında Kral Çarlzın saray bağlarında və Vindzor qəsrində bağbanlar axtarması barədə də elan verilmişdi.