Pele ilə belə vidalaşdılar

Tarix: 3 Yanvar 2023 21:58

Bu gün Braziliya Prezidenti Luiz İnasio Lula da Silva bütün zamanların ən böyük oyunçusu kimi tanınan futbol əfsanəsi Pele ilə vidalaşdığını söyləyib.

Sonxeber.net "qafqazinfo"-ya istinadən xəbər verir ki,  vida mərasimində iştirak etmək üçün çox sayda azarkeş, siyasətçi və futbol xadimləri "Kral" oyunçunun əzəmətli karyerasının böyük hissəsini keçirdiyi Santos şəhərinə axışıb.

Vila Belmiro stadionuna 230 000-dən çox insanın qatıldığını söylənilib.

Bazar günü Pele üçün bir dəqiqəlik sükutla başlayan mərasimlə vəzifəsinin icrasına başlayan Lula, Pelenin dul arvadı Marcia Cibele Aokini göz yaşları içində salamlamaq üçün helikopterlə gəlib. Prezident və xanımı Rosangela Silva Pelenin tabutunun qarşısında dayanaraq Aoki və digər ailə üzvlərini qucaqlayıblar.

Prezident daha sonra tviter hesabında bu sözləri paylaşıb: "Kralla əlvida. Rahat yat, Pele".

Santos və Braziliya bayraqları ilə örtülmüş tabut daha sonra Santos küçələrində, o cümlədən Pelenin anası, 100 yaşlı Selest Arantesin evinin yanından keçən kütləvi dəfn mərasimi üçün parlaq qırmızı yanğınsöndürən maşınının başına qaldırılıb.

Dəfn mərasimi Pele dünyanın ən hündür qəbiristanlığı olaraq Ginnesin Rekordlar Kitabına düşən 10 mərtəbəli mavzoleydə dəfn edilməzdən əvvəl katoliklərin dəfn mərasiminin keçiriləcəyi liman şəhərinin Xatirə Qəbiristanlığında başa çatacaq.

Qeyd edək ki, tarixdə üç Dünya Kubokunu qazanan yeganə oyunçu olan Pele Santos Braziliya millisi və Nyu-York Kosmos ilə iyirmi ildən çox karyerası ərzində 1281 qol vuraraq dünya rekorduna imza atıb.

Xatırladaq ki, xərçəngdən əziyyət çəkən Pele dekabrın 29-u 82 yaşında vəfat edib.