Ermənistanda 17 minə yaxın şəxs dindirilib - Səbəb

Tarix: 4 Yanvar 2023 23:40

Qarabağdakı 44 günlük müharibə ilə bağlı Ermənistanda qaldırılan cinayət işlərinin istintaqı çərçivəsində 17 minə yaxın şəxs dindirilib.

Sonxeber.net musavat.com-a istinadən bildirir ki,bu barədə Ermənistan İstintaq Komitəsinin sədri Arqişti Kərəmyan İctimai Televiziyaya müsahibəsində deyib.

Kərəmyan bunu misli görünməmiş rəqəm adlandıraraq qeyd edib ki, bu, istintaqın miqyasını göstərir.

Hazırda 70-dən çox zabitə qarşı ittiham irəli sürülüb, lakin hələlik məhkəmə hökmü çıxarılmayıb. "Hərbi" mövzu ilə bağlı ümumilikdə 1600 iş başlanıb, 160 istintaq artıq yekunlaşıb.

Kərəmyanın sözlərinə görə, o, istintaqın uzanması barədə fikirləri bölüşmür. İstintaq Komitəsinin rəhbərinin fikrincə, başa düşmək vacibdir ki, söhbət böyük həcmdə istintaq materiallarından və istintaqın keyfiyyətlə aparılmasının zəruriliyindən gedir. Bu təbəqələşmə onunla bağlıdır ki, asayiş keşikçiləri məğlubiyyətin bütün səbəblərini və şərtlərini, eləcə də bu məğlubiyyətdə əməyi olan şəxsləri tam müəyyən etmək istəyirlər.

O qeyd edib ki, istintaq ayrı-ayrı istiqamətlərdə aparılır - "Qarabağ ordusu"nun iki diviziyasının əməlləri ayrı-ayrılıqda, "Şuşanın süqutu" isə xüsusi proses olaraq araşdırılır.