İki aylıq uşağın qidalanması

Tarix: 19 Yanvar 2023 01:03

Uşağın iki aylığı olduğu zamanda onun qidalanması üçün lazım olan əsəs qida vasitəsi ana südü sayılır. Ana südü uşağın qidaya, suya - aclığa olan bütün ehtiyacını ödəyir. Əminliklə demək olar ki, uşağınızı istədiyi zaman döşlə qidalandırmanız, uşağın az da olsa böyüməsinə səbəb ola bilir. Belə ki, ikinci ayda uşağın döşə olan ehtiyacı gündə 10 dəfədən 6 dəfəyə enir. Əgər uşağınızın iki aylığı olduğu zaman onun ana südünə olan ehtiyacının miqdarını öyrənmək istəsəniz. uşaq həkimləri sizin sualınızı cavablandlrmaqda çətinlik çəkəcəklər. Çünki uşaqların südə olan ehtiyaclarını ödəmək üçün konkret bir rəqəm yoxdur. Uşaq ana döşünü özünün ehtiyacı olan qədər tutur, artıq südü qəbul etmir.
Bu dövrdə uşağın nə qədər ana südünə ehtiyacı olduğunu təyin etmək üçün südü sağıb, ölçüb uşağa yerdirməklə öyrənmək olar. Bunu isə eləmək heç kimə lazım deyil. Döşündə süd olan və övladının sağlam böyüməsini istəyən hər bir ana ölç-biçi hesablamadan uşağını yedirir.
Uşağın iki aylığı olduğu zaman ananın südü olmadıqda uşaq həkiminin məsləhət ilə uşağı süni qidalarla qidalandırmaq lazımdır. Bu zaman isə mütləq uşaq həkiminin məsləhətlərinə qulaq asmaq və keyfiyyətli uşaq qidalarından istifadə etmək lazımdır. Uşağı yedizdirən zaman istifadə edilən qabların isə diqqətlə yuyulması və yuyulan zaman kimyəvi yuyuculardan istifadəsinə yol verilməməlidir.
Uşağın iki ayı olduqda ona su və ya uşaq çayları vermək mümkündür.
Ananın südü azaldığı zaman mütəxəssislər analara qısa bir zamanda süni qidaya keçməyi məsləhət bilmir. Ana südü uşağın sağlam həyatı üçün lazım olan ən qiymətli qida sayıldığı üçün süd olmadığı zaman mütəxəssislər həkimlə məsləhət etməyi və südartırıcı təbii dərmanlardan istifadə etməyi məsləhət bilir.
Uşaq süddən doymadıqda narahat olur, ağlayır, kapriz edir. Amma əgər uşaq süddən doymuşsa, o zaman səsi çıxmır, ağlamır, rahatlıq nümayiş etdirir. Sağlam uşaq yanlız süddən doymadığı anlarda ağlayır.
Mütəxəssislər analara uşaqlarını yedizdirdikləri zamanı onların başlarını sığallamalarını, uşaqlara asta səslə laylay oxumağı, onunla astadan söhbət etməyi məsləhət bilir. Uşağı döşlə yedirərkən isə döş giləsinin ağıza necə yerləşməsinə hər dəfə nəzarət etmək lazımdır.
Mütəxəssislər uşağın altının da quru olub və ya olmamasını da nəzarət altında saxlamaq lazım olduğunu qeyd edirlər.
Bəzən analar ikiaylıq uşaqlarının ağzına özlərinin yedikləri qidalardan sürtməyə çalışırlar, bəzən də ikiaylıq uşağı başqa qidalarla qidalandırmağa çalışırlar. Bu düzgün hərəkət hesab edilmir. Çünki, ikiaylıq uşağın mədəsi ana südündən başqa digər heç bir qidanı həzm edə biləcək gücə sahib olmur. Buna görə də ananın öz südünü artırması üçün çalşması azımdır. Belə ki, ana südü artıran təbii qidalardan istifadə edib, bol maye qəbul etməlidir. Uşaq əmizdirən ana boyat qida qəbul etməməli, qidanı təzə bişmiş halda yeməlidir. Uşaq əmizdirən ana nə qədər çox maye qəbul edərsə, onun südü bir o qədər çox olar.
Südəmər uşaq normal qidalandığı zaman iki ayı bitdiyi zaman çəkisi 800 qram , boyu isə 2,5 sm artmış olur.