Aktual mövzular: Dollar alış-satışı, Neftin qiyməti, COP29, Hava proqnozu

Azərbaycanlı gimnast: Yarışlar öz gücünü sınamaq üçün əla fürsətdir

Tarix: 13 Oktyabr 2019 14:36

Bakı. Cani Babayeva - Trend:

Yarışlarda yaxşı nəticələr göstərmək istəyirəm.

Bunu Trend-ə Zaqataladan olan bədii gimnastıka üzrə 6-cı bölgələrarası kubokun iştirakçısı Həvva Əbdürəhmanova deyib.

H. Əbdürəhmanova bildirib ki, o, Bakıda Milli Gimnastika Arenasında ilk dəfə çıxış edir:

"Salon gözəl, geniş və işıqlıdır - mən məmnunam. Burada çox rahatdır, ona görə də xalça üzərinə çıxmaqdan qorxmuram".

Gimnast qeyd edib ki, bu yarışlarda məqsədi yaxşı nəticə göstərməkdir: "Yarışların qalibi olmaq istəyirəm. İdmanda böyük nəticələr əldə etmək üçün çox məşq etmək lazımdır. Yarışlar öz gücünü sınamaq üçün əla fürsətdir".

Qeyd edək ki, oktyabrın 10-da bədii gimnastika üzrə 26-cı Azərbaycan və Bakı birinciliyi, 6-cı bölgələrarası kubok və aerobika gimnastikası üzrə 5-ci ölkə birinciliyi və paytaxt çempionatına start verilib.

Dördgünlük yarışda gimnastlar "gənclər", "yeniyetmələr", "uşaqlar" və "balacalar" yaş qruplarında medallar uğrunda mübarizə aparacaqlar.

Trend-in ən mühüm və maraqlı xəbərlərini "Telegram"da izləyin

Whatsapp ilə göndər