Aktual mövzular: Dollar alış-satışı, Neftin qiyməti, COP29, Hava proqnozu

Türkiyə-Ermənistan sərhədi üçüncü ölkə vətəndaşları üçün açılacaq

Türkiyə-Ermənistan sərhədi üçüncü ölkə vətəndaşları üçün açılacaq

Tarix: 24 Mart 2023 19:00

Ermənistan və Türkiyə 2023-cü ilin turizm mövsümünün əvvəlinə qədər üçüncü ölkə vətəndaşları və diplomatik pasportu olan şəxslər üçün sərhədin açılması barədə razılığa gəlib.

Sonxeber.net APA-ya istinadən bildirir ki, bu barədə Ermənistan xarici işlər naziri Ararat Mirzoyan Parlamentin Xarici Əlaqələr Komitəsinin iclasında bildirib və əlavə edib ki, İrəvan bu istiqamətdə fəal işləyir.

Hökumətin planının icrasının gedişi və nəticələri barədə hesabatı təqdim edən nazir bildirib ki, Ermənistanla Türkiyə arasında münasibətlərin normallaşması prosesi 2022-ci ildə də davam edib.

Mirzoyan xatırladıb ki, fevralın 15-də zəlzələ nəticəsində çoxsaylı insan tələfatı ilə bağlı başsağlığı vermək üçün Türkiyəyə işgüzar səfərə gedib.

"Biz Türkiyənin xarici işlər naziri ilə builki turizm mövsümünün açılışına qədər üçüncü ölkə vətəndaşları və diplomatik pasportu olan şəxslər üçün Ermənistan-Türkiyə sərhədini açmağa hazır olduğumuzu bir daha təsdiqləmişik", - Mirzoyan bildirib.


Etiketlər:  Türkiyə Ermənistan sərhədi üçüncü ölkə vətəndaşları üçün açılacaq


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ