Aktual mövzular: Dollar alış-satışı, Neftin qiyməti, COP29, Hava proqnozu

Rusiyada bir gündə ikinci deputat öldü

Rusiyada bir gündə ikinci deputat öldü

Tarix: 24 Aprel 2023 15:32

Rusiya Dövlət Dumasının Vahid Rusiya fraksiyasından olan deputatı, Ekologiya, Təbii Sərvətlər və Ətraf Mühitin Mühafizəsi Komitəsinin üzvü Yaşarbek Uzdenov bazar günü uzun sürən xəstəlikdən sonra 56 yaşında vəfat edib.

Sonxeber.net oxu.az-a istinadən xəbər verir ki, bu barədə Dövlət Dumasında Vahid Rusiya fraksiyasının rəhbəri Vladimir Vasilyev bildirib.

"Ağır gündür. Ölüm daha bir yoldaşımızı aramızdan apardı. Ağır və uzun sürən xəstəlikdən sonra Dövlət Dumasının deputatı, Qaraçay-Çərkəz Respublikasının keçmiş təbii sərvətlər və ekologiya naziri Yaşarbek Borisoviç Uzdenov vəfat etdi", - Vasilyev məlumat verib.

O, fraksiyanın bütün deputatları adından Uzdenovun yaxınlarına başsağlığı verib.

Qeyd edək ki, bazar günü Dövlət Dumasının Vahid Rusiya fraksiyasından olan digər deputatı Nikolay Bortsovun da ölümü ilə bağlı xəbər yayılıb.


Etiketlər:  Rusiyada gündə ikinci deputat öldü


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ