Rusiya XİN: Yaxın vaxtlarda...

Tarix: 6 May 2023 23:58

"Yaxın vaxtlarda Rusiya Federasiyası, Türkiyə, Ukrayna və BMT nümayəndələrinin iştirakı ilə dördtərəfli formatda taxıl təşəbbüsü ilə bağlı yüksək səviyyəli görüş keçiriləcək".

Sonxeber.net APA-ya istinadən bildirir ki, bunu Rusiya xarici işlər nazirinin müavini Sergey Verşinin RT telekanalının efirində deyib.

"Yaxın vaxtlarda nazir müavinləri arasında dördtərəfli formatda yüksək səviyyəli görüş keçiriləcək", - Verşinin bildirib.

O vurğulayıb ki, Rusiya ərzaq təhlükəsizliyini təmin etmək üçün səylər göstərir. Bundan əlavə, Verşinin qeyd edib ki, Moskva kənd təsərrüfatı və gübrə ixracına qoyulan məhdudiyyətləri aradan qaldırmağa nail olsa, dünyanın bir çox ölkələri bundan faydalanacaq.