Aktual mövzular: Dollar alış-satışı, Məzənnə, Neftin qiyməti

Bu, Priqojinin üsyanının növbəti mərhələsidir - Jdanov

Bu, Priqojinin üsyanının növbəti mərhələsidir - Jdanov

Tarix: 25 Avqust 2023 12:14

"Vaqner" rəhbəri Yevgeni Priqojinin sağ ola biləcəyini istisna etmirəm.

Milli.Az axar.az-a istinadən bildirir ki,  bunu ukraynalı hərbi ekspert Oleq Jdanov deyib.

"Onun öldüyünə dair çoxlu sübutlar var. Ancaq mən həmişə bunun gizli əməliyyat ola biləcəyinə dair bir neçə ehtimal buraxıram. Hamı onun ölümünü gözləyirdi, mən isə onun həyata keçirdiyi üsyandan sonra onun ləğvinin sadəcə zaman məsələsi olduğunu demişdim", - Jdanov bildirib.

Ekspertin fikrincə, bu hadisə Rusiyada geri dönüşü olmayan prosesləri başlada bilər:

"Bu, "Priqojinin üsyanı"nın növbəti mərhələsidir. Proses Rusiya üçün ölümcül olacaq. Üsyan özü göstərdi ki, Putin tam gücə malik deyil. O, güc tətbiq etmək və ölkəni idarə etmək hüququ monopoliyasını itirib. Putin gücün ayağının altından sürüşdüyünü hiss edir".

Jdanovun sözlərinə görə, bu təyyarə qəzası həm də Rusiya Müdafiə Nazirliyi və FTX arasında münaqişənin üst səviyyəyə çıxdığını göstərdi:

"Bu, artıq pərdəarxası döyüş yox, açıq mübarizədir. Bunun geniş siyasi nəticələri olacaq".

Milli.Az


Etiketlər:  Bu Priqojinin üsyanının növbəti mərhələsidir Jdanov


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ