Putini Lavrov əvəz edə bilər - Hindistanda

Tarix: 28 Avqust 2023 19:46

Sentyabrda Hindistanda keçiriləcək G20 sammitində Rusiyanı xarici işlər naziri Sergey Lavrov təmsil edə bilər.

Sonxeber.net report-a istinadən xəbər verir ki, bu barədə Rusiya Prezidenti Vladimir Putinlə Hindistanın baş naziri Narendra Modinin telefon danışığından sonra bildirilib.

Kreml öz növbəsində qeyd edib ki, Rusiya prezidenti və Hindistanın baş naziri Nyu-Dehlidə keçiriləcək G20 sammitindən əvvəl fikir mübadiləsi aparıblar.

"Kosmik sektorda ikitərəfli əməkdaşlığı daha da inkişaf etdirməyə hazır olduqları təsdiqləndi. BRİKS-in Yohannesburqda keçirilən 15-ci sammitinin nəticələri müzakirə edildi. Əldə olunan razılaşmaların əhəmiyyəti, onların BRİKS-in genişləndirilməsinə töhfə verəcəyi, eyni zamanda qurumun beynəlxalq məsələlərə təsiri vurğulandı", - məlumatda deyilir.