“Prius” sürücüsü 150 manatlıq cərimədən yayınmaq üçün görün nə etdi

Tarix: 8 Dekabr 2023 09:50

Paytaxtın Qara Qarayev prospekti ilə Nəsimi küçəsinin kəsişməsində kütləvi qayda pozan sürücülər görüntülənib.

Sonxeber.net avtosfer.az-a istinadən xəbər verir ki, hadisə bir müddət əvvəl səhər saatlarında qeydə alınıb.

Görüntüdən məlum olduğu kimi, "Lexus", "Toyota Prius" və "Hyundai" markalı avtomobillərin sürücüləri əks istiqamətli yolla hərəkət ediblər. Belə ki, onlar tıxaca düşməmək üçün əks zolağa keçiblər və qarşıdan gələn nəqliyyat vasitələrinə qəza təhlükəsi yaradıblar.

Qeyd edək ki, video sosial şəbəkələrdə müzakirə obyektinə çevrilib. Xüsusilə istifadəçilər "Lexus"la ara məsafəsinə məhəl qoymayan "Prius"a rəy bildiriblər. Belə ki, onlar "Prius" sürücüsünün dövlət nömrə nişanını müşahidə kamerasından gizlətmək üçün elə sürdüyünü bildiriblər. 

Xatırladaq ki, sürücülərin törətdiyi qayda pozuntusuna görə İnzibati Xətalar Məcəlləsinin 327.4-cü maddəsilə 4 bal 150 manat cərimə nəzərdə tutulub.