Aktual mövzular: Dollar alış-satışı, Məzənnə, Neftin qiyməti

Videokartlar üçün ən sürətli yaddaş modulu nümayiş olunub

Videokartlar üçün ən sürətli yaddaş modulu nümayiş olunub

Tarix: 7 Noyabr 2019 11:32

ABŞ-ın “Rambus” şirkəti rekord buraxılış qabiliyyətinə malik “GDDR6” tipli yaddaş modulu hazırlayıb.

 

“ICTnews” Elektron Xəbər Xidməti “4PDA” resursuna istinadən yazır ki, istehsalçı nümayəndələrinin sözlərinə görə, yeni çiplər 18 Qbit/saniyə buraxılış qabiliyyətinə malikdir. Bu, “DDR4” operativ yaddaş standartından 5 dəfə sürətlidir. Müqayisə üçün qeyd edək ki, hazırda standartın ən yüksək həddi 16 Qbit/saniyə təşkil edir. Yeni qurğunun arxitekturasına təkcə xanalı modul deyil, həm də xüsusi kontroller daxildir. Çoxkanallı həllər tərkibində pik məlumat mübadilə sürəti 72 Qbit/saniyəyə çatır.

 

Şirkət nümayəndələri qeyd edir ki, yeni yaddaş tipinə tələbat ilk növbədə peşə fəaliyyətində fərdi kompüterdən maksimal məhsuldarlığın tələb olunduğu dizayner və tərtibatçılar arasında olacaq. Belə modullar neyroşəbəkələrin, avtonom avtomobil idarəetmə sistemlərinin yaradılmasında, eləcə də oyun sənayesində istifadə oluna bilər.

 

Modulların satışa çıxarılma vaxtı və qiyməti hələ ki açıqlanmayıb.

 

Nizam Nuriyev




Etiketlər:  Videokartlar üçün ən sürətli yaddaş modulu nümayiş olunub


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ