Aktual mövzular: Dollar alış-satışı, Neftin qiyməti, COP29, Hava proqnozu

Peres yeni turnir üçün 50-60 klubla danışıqlar aparır

Tarix: 16 Dekabr 2023 13:42

"Real"ın prezidenti Florentino Perez yeni Avropa Superliqasının yaradılması hhazırda təxminən 50-60 klubla danışıqlar prosesindədir.

Sonxeber.net qol.az-a istinadən xəbər verir ki, bu barədə "Voz Populi" məlumat yayıb.

Bildirilib ki, üç diviziondan ibarət yeni Avropa Superliqasının yaradılması ideyası müzakirə olunub. Avropa Superliqasının yeni versiyasının oyunlarının Çempionlar Liqası, eləcə də Avropa Liqası və Konfrans Liqası günlərində keçirilməsi planlaşdırılır.

Avropada yeni futbol turnirinin yaradılması üçün vacib məqamın UEFA və FİFA-ya qarşı antiinhisar işi ilə bağlı Avropa İttifaqı Məhkəməsinin çıxardığı qərar olduğu vurğulanır. Əgər məhkəmə bu qurumların futbol yarışlarında monopoliyasının qanunsuz olduğunu tanısa, o zaman klublar hansı turnirdə iştiraka üstünlük verdiklərini seçmək imkanı əldə edəcəklər. Bu iş üzrə məhkəmə iclası bu il dekabrın 21-də olacaq.

Xatırladaq ki, Peres 2021-ci ilin yazında təqdim olunan Avropa Superliqasının ilk formatının təbliğatında liderlərdən biri olub.

Whatsapp ilə göndər