Qaraciyər sirrozundan necə qorunmaq olar?

Tarix: 20 Dekabr 2023 01:57

Kaliforniya Universiteti, Royal Free Hospital, Oksford və Kembric universitetlərindən alimlər qrupu tərəfindən aparılan yeni araşdırma qaraciyər sirrozunun inkişafı üçün risk faktorlarını aşkar edib.

Sonxeber.net lent.az-a istinadən xəbər verir ki, araşdırmalara görə, sirrozun yaranmasında təkcə istehlak edilən spirtin miqdarı deyil, həm də içkilərin istehlakının xarakteri həlledici rol oynayır. Tədqiqatçılar 300.000-dən çox yetkin insanın məlumatlarını təhlil edərək, içmə vərdişlərinə, genetik quruluşa və sağlamlıq vəziyyətlərinə, o cümlədən tip 2 diabetə diqqət yetiriblər.

Əgər həftədə ən azı bir dəfə gündə təxminən 12 vahid spirt içirsinizsə (bu, təxminən 1,8-2,5 litr pivə və ya bir şüşə şərab deməkdir), normal həddə içənlərlə müqayisədə sirozun inkişaf riski üç dəfə artır.

Qaraciyər sirrozuna genetik meyli olan insanlarda bu ciddi xəstəliyə tutulma ehtimalı 4 dəfə çoxdur. Əgər sizdə 2-ci tip diabet varsa, qaraciyər sirrozu riskiniz ikiqat artır.

Alkoqoldan sui-istifadə, yüksək genetik risk və diabetin olması ilə birlikdə, sirozun inkişaf riskini altı dəfə artıra bilər.