Aktual mövzular: Dollar alış-satışı, Neftin qiyməti, COP29, Hava proqnozu

''Xəzri'' ikinci dövrədə də ''Neftçi''ni məğlub etdi

Tarix: 10 Yanvar 2024 23:00

Azərbaycan Basketbol Liqasının XX turunun və ikinci dövrənin açılış oyunu baş tutub.

Sonxeber.net AZƏRTAC-a istinadən bildirir ki, günün yeganə qarşılaşması "Sərhədçi" İdman Mərkəzində "Xəzri" və "Neftçi" klubları arasında olub. Gərgin keçən görüş "Xəzri"nin 86-84 hesablı qələbəsi ilə başa çatıb.

Qalib komandanın ən məhsuldar basketbolçusu 22 xal, 8 ribaundla Amil Həmzəyev olub. "Ağ-qaralar"da isə Kamran Məmmədov - 20 xal, 6 ribaundla oyunu başa vurub.

Bu komandalar arasında ilk dövrədə keçirilən matçda da "Xəzri" qalib gəlmişdi.

Qeyd edək ki, XX turun növbəti oyunları ("Sumqayıt" - "NTD-İndiqo", "Cəlilabad" - "Sərhədçi", "Şəki" - "Xırdalan", "Gəncə" - "Sabah") müvafiq olaraq yanvarın 12, 13, 14-də baş tutacaq.

Whatsapp ilə göndər