Arximandrit Aleksiy: “Azərbaycan öz tarixinin yeni səhifəsini yazmağa başlayır”

Tarix: 21 Yanvar 2024 16:34

"Azərbaycanın müasir tarixi 1990-cı il yanvarın 20-də baş vermiş faciəli hadisələrlə, ölkəmizin müxtəlif millətlərin və müxtəlif dini etiqadların nümayəndələrinin çoxsaylı oğul və qızlarının vətən sevgisi, gələcəyimiz naminə canlarından keçməsi ilə başlayır. Həmin vaxtdan cəmiyyətimiz çoxmillətli Azərbaycan xalqının firavanlığının təmin edilməsi və əcdadlarımızın azad torpağında dinc həyat arzusu ilə ümumi maraqların qorunmasında ümumi konsolidasiyası arzusu ilə yaşayır".

Sonxeber.net xəbər verir ki, bunu secki-2024.az saytına açıqlamasında Bakı Yeparxiya İdarəsinin katibi, Bakı şəhərin Müqəddəs Mürr-daşıyan Zənənlər baş kilsəsinin baş keşişi Arximandrit Aleksiy (Nikonorov) deyib.

Onun sözlərinə görə, məhz bu ümumi istəklər, ümumi səylər, dövlət-xalq biriliyi kontekstində hamımızı şanlı qələbəyə gətirib çıxardı: "İndi isə tariximizin yeni səhifəsini yazmağa başlayırıq. Bu səhifə ümumi iradə, ölkəni daha da irəli apara bilən siyasi liderə veriləcək ümummilli etimad mandatı, müdriklik, Vətənə və xalqa fədakar sevgi ilə yazılır. Bu gün, müasir tariximizin məsuliyyətli və mühüm dövründə, ən əlamətdar hadisələrdən biri olan prezident seçkiləri ərəfəsində biz hamımız xarici qüvvələrin təzyiqləri qarşısında əvvəlki kimi öz ləyaqətimizin, dövlətçiliyimizin, mədəniyyətimizin və şəxsiyyətimizin keşiyində duran vahid bir cəmiyyət olaraq qalmalıyıq".