Ramazanda susuzluqdan əziyyət çəkməmək üçün nə etməliyik? - Alimlərdən məsləhət

Tarix: 17 Mart 2024 16:00

Ramazan ayında oruc tutmaq İslamın beş sütunundan biridir.

Milli.Az oxu.az-a istinadən bildirir ki, bu, yetkin və sağlam müsəlmanlar üçün vacib sayılır. Həddindən artıq susuzluq hissinin qarşısını almaq və orucu sağlam şəkildə tamamlamaq üçün alimlər müsəlmanlar üçün mühüm məsləhətlər veriblər.

1. İmsakda bol su içməyin. Bunun əvəzinə iftar və imsak arasında çox su içmək daha məsləhətdir.

2. Nə içək? İftarda çox soyuq su içməkdən çəkinmək lazımdır, çünki bu zaman mədə-bağırsaq sistemində kapilyarlar daralır və yeməklərin həzmi çətinləşir. Tərkibində süni rəngləyicilər olmayan içkilər içmək məsləhətdir. Belə təbii içkilər bədəni nəmləndirir və maye itkisini kompensasiya edir.

3. Duzdan çəkinin. Turşu və duzlu balıq kimi qidalardan, həmçinin mədənin turşuluğunu artıran və bununla da bədənin maye ehtiyacını, həmçinin susuzluq hissini artıran ədviyyatlardan uzaq durun.

4. Meyvələr. Alimlər, həmçinin imsak zamanı uzun müddət bağırsaqlarda qalan, aclıq və susuzluq hisslərini azaldan, tərkibində lif və su olan meyvələr yeməyi tövsiyə edirlər.

5. Kofeinə "yox" deyin. Sidikqovucu xüsusiyyətlərinə görə kofe və sərinləşdirici içkilər kimi tərkibində kofein olan mayelərdən uzaq durun, çünki kofein orqanizmin tez su itirməsinə səbəb olur.

6. Tərəvəz yeyin. Xiyar, pomidor kimi tərəvəzlər yeyin, çünki onlar susuzluğu yatırır və bədəni sərinləşdirir, əsəb gərginliyini aradan qaldırmağa kömək edir. Onların tərkibində həzmi asanlaşdıran, toksinləri çıxaran və bağırsaqları təmizləyən sellülozlu qida lifləri var.

7. İmsakı gecikdirin. Gündüz susuzluğa tab gətirmək üçün imsakı mümkün olan ən gec vaxta qədər təxirə salın. Orqanizmin susuzlaşmasının qarşısını almaq üçün qida rasionunda şirniyyatların miqdarı azaldılmalıdır.

7. Ürək-damar sisteminin sağlamlığını qorumaq üçün təzyiqi artıra bilən içkilərdən qaçın. Şəkər xəstələri tərkibində yüksək miqdarda şəkər olan şirələr və içkilər qəbul edərkən daha diqqətli olmalıdırlar.

Milli.Az