Aktual mövzular: Dollar alış-satışı, Neftin qiyməti, COP29, Hava proqnozu

Arvadını döyüb öldürən nazirin telefonu araşdırılacaq - FOTO

Tarix: 22 Aprel 2024 18:48

Qazaxıstanda vətəndaş nikahında olduğu Saltanat Nukenovanı qətlə yetirməkdə təqsirləndirilən keçmiş nazir Kuandıq Bişimbayevin məhkəmə prosesi davam edir.

Sonxeber.net oxu.az-a istinadən xəbər verir ki, keçmiş milli iqtisadiyyat naziri Kuandıq Bişimbayev məhkəmədə araşdırılması üçün telefonunun şifrəsini məhkəməyə verməyə razılaşıb.

Bu barədə keçirilən məhkəmə prosesi zamanı onun vəkili məlumat verib.

Xatırladaq ki, hadisə 2023-cü il noyabrın 9-na keçən gecə Astanada yerləşən və Kuandıq Bişimbayevin sahibi olduğu "Bau" restoranında baş verib. Qazaxıstanın keçmiş milli iqtisadiyyat naziri Saltanat Nukenovanı döyərək öldürüb. Elə həmin gün Bişimbayev həbs edilib və onu 15 ildən 20 ilədək həbs cəzası gözləyir. Əgər istintaq onun qətli xüsusi amansızlıqla törətdiyini sübut etsə, o, ömürlük həbs cəzasına məhkum olunacaq. Bişimbayev, həmçinin işgəncə verməkdə də ittiham olunur.