Aktual mövzular: Dollar alış-satışı, Neftin qiyməti, COP29, Hava proqnozu

“Sabah”ın Çempionlar Liqasındakı rəqibi müəyyənləşdi

“Sabah”ın Çempionlar Liqasındakı rəqibi müəyyənləşdi

Tarix: 26 Iyun 2024 14:40

Kişi basketbolçulardan ibarət "Sabah" klubunun Çempionlar Liqasındakı rəqibləri bəlli olub.

Sonxeber.net İdman.Biz-ə istinadən bildirir ki, Azərbaycan çempionunun qarşılaşacağı komandalar bu gün İsveçrədə keçirilən püşkatmada müəyyənləşib.

Bakı klubu təsnifat mərhələsinin birinci raundunda İsveçin "Norrçepinq Dolfins" klubu ilə üz-üzə gələcək. Bu raundun qalibi "Friburq Olimpik"lə (İsveçrə) qarşılaşacaq. Təsnifat mərhələləri sentyabrın 15-22-də təşkil olunacaq.

"Sabah" mərhələ adlasa, müntəzəm mövsümdə mübarizə aparacaq. Rimas Kurtinaytisin yetirmələri buna nail olsalar, G qrupunda "Baxi Manresa" (İspaniya), "Bertam" (İtaliya) və "Niners Hemnits"lə (Almaniya) görüşəcəklər.

Qeyd edək ki, Azərbaycan tarixində ilk dəfə Çempionlar Liqasında oynayacaq paytaxt təmsilçisi təsnifat mərhələsini keçə bilməsə, yoluna Avropa kubokunda davam edəcək.


Etiketlər:  Sabahın Çempionlar Liqasındakı rəqibi müəyyənləşdi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ