Aktual mövzular: Dollar alış-satışı, Neftin qiyməti, COP29, Hava proqnozu

Dünyanın ən güclü smartfonlarının adları AÇIQLANDI

Tarix: 7 Iyul 2024 02:04

"AnTuTu" bençmarkının tərtibatçıları qlobal bazarda mövcud olan ən səmərəli "Android" smartfonlarının siyahısını dərc ediblər.

Milli.Az oxu.az-a istinadən xəbər verir ki, bu, daha əvvəl Çin bazarı üçün dərc edilmiş reytinqdən ciddi şəkildə fərqlənir.

Qlobal liderlikdə birinci yeri "AnTuTu"da 1000 sınaq əsasında orta hesabla 2,11 milyon xal göstərmiş "Snapdragon 8 Gen 3" əsasında "Asus ROG Phone 8" oyun smartfonu tutub. Onun ardınca eyni prosessorlu "Red Magic 9 Pro" (2,07 milyon) və "iQOO 12" (2,03 milyon) gəlir.

Dördüncü yeri "Snapdragon 8 Gen 3" əsasında "Vivo X100 Ultra" (1,99 milyon), beşinci yeri isə "MediaTek Dimensity 9300" çipli "Vivo X100 Pro" 1,96 milyon xal toplayaraq tutub. Siyahıda ardıcıl olaraq "Snapdragon 8 Gen 3", "Dimensity 9300" və "Dimensity 9300+" ilə təchiz edilən "Nubia Z60 Pro" (1,95 milyon), "Vivo X100" (1,95 milyon) və "iQOO Neo9S Pro" (1,94 milyon) yer alıblar.

İlk onluğu "Snapdragon 8 Gen 3"də işləyən "Xiaomi 14 Ultra" (1,94 milyon) və "Xiaomi 14" (1,94 milyon) tamamlayır.

Çin liderliyində, eləcə də qlobal zirvədə "Asus ROG Phone 8" birinci yeri tutur.

Milli.Az

Whatsapp ilə göndər