Aktual mövzular: Dollar alış-satışı, Neftin qiyməti, COP29, Hava proqnozu

Antibiotiklər təsirini itirir, 40 milyon adam ölə bilər

Antibiotiklər təsirini itirir, 40 milyon adam ölə bilər

Tarix: 22 Oktyabr 2024 10:18

Müasir tibb narahatedici bir tendensiya ilə üzləşib - antibiotiklərin effektivliyi sürətlə azalır. Bunun səbəbi dərmanlara qarşı davamlı olan mikroorqanizmlərin sürətlə artan sayıdır.

Sonxeber.net oxu.az-a istinadən bildirir ki, bu barədə Paul Erlix İnfeksion Terapiya Cəmiyyətinin prezidenti Matias Plets deyib.

"Biz müasir tibb nailiyyətlərini itiririk və penisillinin kəşfindən əvvəlki dövrə qayıdırıq", - deyə ekspert təəssüflənib.

Ekspertlər antibiotiklərin effektivliyinin azalmasının iki əsas səbəbini qeyd edirlər: COVID-19 pandemiyasından sonra turist səfərlərinin kəskin artması və hətta adi qrip, ya KRVİ-nin (kəskin respirator virus infeksiyaları) müalicəsi üçün əsassız antibiotik qəbulunun artması.

Alimlərin proqnozları ürəkaçan deyil: əgər tendensiya davam edərsə, 2050-ci ilə qədər dünyada antibiotiklərə davamlı infeksiyalardan təxminən 40 milyon insan ölə bilər. Artıq bu gün Avropa İttifaqında bu rəqəm ildə 35 min ölümü keçib.

Yeni antibiotiklərin çatışmazlığı və tədqiqatlara kifayət qədər maliyyə ayrılmaması vəziyyəti daha da ağırlaşdırıb. Son 18 ildə cəmi 12 yeni preparat təsdiq edilib.


Etiketlər:  Antibiotiklər təsirini itirir milyon adam ölə bilər


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ