Aktual mövzular: Dollar alış-satışı, Neftin qiyməti, COP29, Hava proqnozu

Tramp posta keçən kmi ilk olaraq bu məsələlərlə məşğul olacaq

Tarix: 7 Noyabr 2024 06:48

ABŞ-nin yeni seçilmiş prezidenti Donald Tramp Ağ Evə qayıtdıqdan sonra qeyri-qanuni miqrasiya və neft hasilatı məsələləri ilə bağlı addımlar atacaq.

Sonxeber.net oxu.az-a istinadən xəbər verir ki, bu barədə D.Trampın seçki kampaniyasının baş müşaviri Ceyson Miller məlumat verib.

C.Millerin sözlərinə görə, D.Trampın ABŞ prezidenti kimi ilk addımları onun fərmanları ilə, yəni Konqresin təsdiqi olmadan həll edə biləcəyi məsələlərə aid olacaq.

"Tramp tərəfindən irəli sürülən bütün sərhəd təhlükəsizliyi siyasətləri əvvəlki vəziyyətinə qayıda bilər. Onların (Trampın komandasının) sərhəd təhlükəsizliyini bərpa etmək üçün Konqresin hərəkətinə ehtiyacı yoxdur", - o bildirib.

C.Miller qeyd edib ki, ABŞ-nin gələcək prezidentinin qısa müddətdə görə biləcəyi digər tədbir enerji istehsalının genişləndirilməsi olacaq ki, bu da qiymətləri aşağı salmağa imkan verəcək.

Whatsapp ilə göndər